💋型格少女風酒吧餐廳💋
-
係中環H code大廈入面，有唔同特色嘅餐廳。而最近就有間非常吸睛嘅餐廳開左，皆因全個環境都充滿住粉紅色😍 唔同嘅係用黑色作配搭，顯得特別有風格🖤 打卡位多之餘，所用嘅碗碟都係粉紅色雲石紋💓 餐廳近門口位置仲有得比你玩beer pong，加埋Happy hour買一送一嘅優惠，絕對係放工嘅chill place🥳
-
Lunch set: 和牛意粉($118) 包餐湯/沙律菜 同餐飲。 番茄湯係超級濃郁🍅，匙羹滿滿都係番茄蓉，味道都幾酸下，好開胃！跟湯嘅蒜蓉包咬落好脆口，而且蓉味都好香😌 如果熱返少少就會更加好！
和牛意粉一上枱係濃濃嘅芝士味，因為上面灑滿芝士粉🧀 和牛肉碎嘅份量都唔少，牛味相當充足，旁邊嘅芝士脆脆加強左個口感。但個意粉有啲偏乾，濕潤少少會好啲！
Lunch set: 大蝦意粉($118) 沙律菜配上黑醋，清新嘅選擇🥗 至於意粉嘅蒜味就非常香，食到一粒粒嘅蒜粒。大蝦亦都幾新鮮🦐
最後餐飲加左$6轉yuzu fizz。嘢飲嘅顏色係好靚嘅漸層😍 飲落柚子味相當明顯，酸度幾強，十分推薦！結帳前仲會附送生果杯添😇
-
Blush (中環)
中環砵甸乍街45號The Steps ‧ H Code 3樓 @ Blush_Central
Search